Hesíodo. Teogonía, 1-216
Hesíodo, Teogonía 1-216. Pasa el cursor por una palabra, o tócala, para ver su entrada.
Μουσάων Ἑλικωνιάδων ἀρχώμεθʼ ἀείδειν,
αἵθʼ Ἑλικῶνος ἔχουσιν ὄρος μέγα τε ζάθεόν τε
καί τε περὶ κρήνην ἰοειδέα πόσσʼ ἁπαλοῖσιν
ὀρχεῦνται καὶ βωμὸν ἐρισθενέος Κρονίωνος.
καί τε λοεσσάμεναι τέρενα χρόα Περμησσοῖο5
ἢ Ἵππου κρήνης ἢ Ὀλμειοῦ ζαθέοιο
ἀκροτάτῳ Ἑλικῶνι χοροὺς ἐνεποιήσαντο
καλούς, ἱμερόεντας· ἐπερρώσαντο δὲ ποσσίν.
ἔνθεν ἀπορνύμεναι, κεκαλυμμέναι ἠέρι πολλῇ,
ἐννύχιαι στεῖχον περικαλλέα ὄσσαν ἱεῖσαι,10
ὑμνεῦσαι Δία τʼ αἰγίοχον καὶ πότνιαν Ἥρην
Ἀργεΐην, χρυσέοισι πεδίλοις ἐμβεβαυῖαν,
κούρην τʼ αἰγιόχοιο Διὸς γλαυκῶπιν Ἀθήνην
Φοῖβόν τʼ Ἀπόλλωνα καὶ Ἄρτεμιν ἰοχέαιραν
ἠδὲ Ποσειδάωνα γεήοχον, ἐννοσίγαιον,15
καὶ Θέμιν αἰδοίην ἑλικοβλέφαρόν τʼ Ἀφροδίτην
Ἥβην τε χρυσοστέφανον καλήν τε Διώνην
Λητώ τʼ Ἰαπετόν τε ἰδὲ Κρόνον ἀγκυλομήτην
Ἠῶ τʼ Ἠέλιόν τε μέγαν λαμπράν τε Σελήνην
Γαῖάν τʼ Ὠκεανόν τε μέγαν καὶ Νύκτα μέλαιναν20
ἄλλων τʼ ἀθανάτων ἱερὸν γένος αἰὲν ἐόντων.
αἵ νύ ποθʼ Ἡσίοδον καλὴν ἐδίδαξαν ἀοιδήν,
ἄρνας ποιμαίνονθʼ Ἑλικῶνος ὕπο ζαθέοιο.
τόνδε δέ με πρώτιστα θεαὶ πρὸς μῦθον ἔειπον,
Μοῦσαι Ὀλυμπιάδες, κοῦραι Διὸς αἰγιόχοιο·25
ποιμένες ἄγραυλοι, κάκʼ ἐλέγχεα, γαστέρες οἶον,
ἴδμεν ψεύδεα πολλὰ λέγειν ἐτύμοισιν ὁμοῖα,
ἴδμεν δʼ, εὖτʼ ἐθέλωμεν, ἀληθέα γηρύσασθαι.
ὣς ἔφασαν κοῦραι μεγάλου Διὸς ἀρτιέπειαι·
καί μοι σκῆπτρον ἔδον δάφνης ἐριθηλέος ὄζον30
δρέψασαι, θηητόν· ἐνέπνευσαν δέ μοι αὐδὴν
θέσπιν, ἵνα κλείοιμι τά τʼ ἐσσόμενα πρό τʼ ἐόντα.
καί μʼ ἐκέλονθʼ ὑμνεῖν μακάρων γένος αἰὲν ἐόντων,
σφᾶς δʼ αὐτὰς πρῶτόν τε καὶ ὕστατον αἰὲν ἀείδειν.
ἀλλὰ τί ἦ μοι ταῦτα περὶ δρῦν ἢ περὶ πέτρην;35
τύνη, Μουσάων ἀρχώμεθα, ταὶ Διὶ πατρὶ
ὑμνεῦσαι τέρπουσι μέγαν νόον ἐντὸς Ὀλύμπου,
εἰρεῦσαι τά τʼ ἐόντα τά τʼ ἐσσόμενα πρό τʼ ἐόντα,
φωνῇ ὁμηρεῦσαι· τῶν δʼ ἀκάματος ῥέει αὐδὴ
ἐκ στομάτων ἡδεῖα· γελᾷ δέ τε δώματα πατρὸς40
Ζηνὸς ἐριγδούποιο θεᾶν ὀπὶ λειριοέσσῃ
σκιδναμένῃ· ἠχεῖ δὲ κάρη νιφόεντος Ὀλύμπου
δώματά τʼ ἀθανάτων. αἳ δʼ ἄμβροτον ὄσσαν ἱεῖσαι
θεῶν γένος αἰδοῖον πρῶτον κλείουσιν ἀοιδῇ
ἐξ ἀρχῆς, οὓς Γαῖα καὶ Οὐρανὸς εὐρὺς ἔτικτεν,45
οἵ τʼ ἐκ τῶν ἐγένοντο θεοί, δωτῆρες ἐάων.
δεύτερον αὖτε Ζῆνα, θεῶν πατέρʼ ἠδὲ καὶ ἀνδρῶν,
ἀρχόμεναί θʼ ὑμνεῦσι καὶ ἐκλήγουσαι ἀοιδῆς,
ὅσσον φέρτατός ἐστι θεῶν κράτεί τε μέγιστος.
αὖτις δʼ ἀνθρώπων τε γένος κρατερῶν τε Γιγάντων50
ὑμνεῦσαι τέρπουσι Διὸς νόον ἐντὸς Ὀλύμπου
Μοῦσαι Ὀλυμπιάδες, κοῦραι Διὸς αἰγιόχοιο.
τὰς ἐν Πιερίῃ Κρονίδῃ τέκε πατρὶ μιγεῖσα
Μνημοσύνη, γουνοῖσιν Ἐλευθῆρος μεδέουσα,
λησμοσύνην τε κακῶν ἄμπαυμά τε μερμηράων.55
ἐννέα γάρ οἱ νυκτὸς ἐμίσγετο μητίετα Ζεὺς
νόσφιν ἀπʼ ἀθανάτων ἱερὸν λέχος εἰσαναβαίνων·
ἀλλʼ ὅτε δή ῥʼ ἐνιαυτὸς ἔην, περὶ δʼ ἔτραπον ὧραι
μηνῶν φθινόντων, περὶ δʼ ἤματα πόλλʼ ἐτελέσθη,
ἣ δʼ ἔτεκʼ ἐννέα κούρας ὁμόφρονας, ᾗσιν ἀοιδὴ60
μέμβλεται ἐν στήθεσσιν, ἀκηδέα θυμὸν ἐχούσαις,
τυτθὸν ἀπʼ ἀκροτάτης κορυφῆς νιφόεντος Ὀλύμπου.
ἔνθα σφιν λιπαροί τε χοροὶ καὶ δώματα καλά.
πὰρ δʼ αὐτῇς Χάριτές τε καὶ Ἵμερος οἰκίʼ ἔχουσιν
ἐν θαλίῃς· ἐρατὴν δὲ διὰ στόμα ὄσσαν ἱεῖσαι65
μέλπονται πάντων τε νόμους καὶ ἤθεα κεδνὰ
ἀθανάτων κλείουσιν, ἐπήρατον ὄσσαν ἱεῖσαι.
αἳ τότʼ ἴσαν πρὸς Ὄλυμπον ἀγαλλόμεναι ὀπὶ καλῇ,
ἀμβροσίῃ μολπῇ· περὶ δʼ ἴαχε γαῖα μέλαινα
ὑμνεύσαις, ἐρατὸς δὲ ποδῶν ὕπο δοῦπος ὀρώρει70
νισσομένων πατέρʼ εἰς ὅν· ὃ δʼ οὐρανῷ ἐμβασιλεύει,
αὐτὸς ἔχων βροντὴν ἠδʼ αἰθαλόεντα κεραυνόν,
κάρτει νικήσας πατέρα Κρόνον· εὖ δὲ ἕκαστα
ἀθανάτοις διέταξεν ὁμῶς καὶ ἐπέφραδε τιμάς.
ταῦτʼ ἄρα Μοῦσαι ἄειδον, Ὀλύμπια δώματʼ ἔχουσαι,75
ἐννέα θυγατέρες μεγάλου Διὸς ἐκγεγαυῖαι,
Κλειώ τʼ Εὐτέρπη τε Θάλειά τε Μελπομένη τε
Τερψιχόρη τʼ Ἐρατώ τε Πολύμνιά τʼ Οὐρανίη τε
Καλλιόπη θʼ· ἣ δὲ προφερεστάτη ἐστὶν ἁπασέων.
ἣ γὰρ καὶ βασιλεῦσιν ἅμʼ αἰδοίοισιν ὀπηδεῖ.80
ὅν τινα τιμήσωσι Διὸς κοῦραι μεγάλοιο
γεινόμενόν τε ἴδωσι διοτρεφέων βασιλήων,
τῷ μὲν ἐπὶ γλώσσῃ γλυκερὴν χείουσιν ἐέρσην,
τοῦ δʼ ἔπεʼ ἐκ στόματος ῥεῖ μείλιχα· οἱ δέ τε λαοὶ
πάντες ἐς αὐτὸν ὁρῶσι διακρίνοντα θέμιστας85
ἰθείῃσι δίκῃσιν· ὃ δʼ ἀσφαλέως ἀγορεύων
αἶψά κε καὶ μέγα νεῖκος ἐπισταμένως κατέπαυσεν·
τοὔνεκα γὰρ βασιλῆες ἐχέφρονες, οὕνεκα λαοῖς
βλαπτομένοις ἀγορῆφι μετάτροπα ἔργα τελεῦσι
ῥηιδίως, μαλακοῖσι παραιφάμενοι ἐπέεσσιν.90
ἐρχόμενον δʼ ἀνʼ ἀγῶνα θεὸν ὣς ἱλάσκονται
αἰδοῖ μειλιχίῃ, μετὰ δὲ πρέπει ἀγρομένοισιν·
τοίη Μουσάων ἱερὴ δόσις ἀνθρώποισιν.
ἐκ γάρ τοι Μουσέων καὶ ἑκηβόλου Ἀπόλλωνος
ἄνδρες ἀοιδοὶ ἔασιν ἐπὶ χθόνα καὶ κιθαρισταί,95
ἐκ δὲ Διὸς βασιλῆες· ὃ δʼ ὄλβιος, ὅν τινα Μοῦσαι
φίλωνται· γλυκερή οἱ ἀπὸ στόματος ῥέει αὐδή.
εἰ γάρ τις καὶ πένθος ἔχων νεοκηδέι θυμῷ
ἄζηται κραδίην ἀκαχήμενος, αὐτὰρ ἀοιδὸς
Μουσάων θεράπων κλέεα προτέρων ἀνθρώπων100
ὑμνήσῃ μάκαράς τε θεούς, οἳ Ὄλυμπον ἔχουσιν,
αἶψʼ ὅ γε δυσφροσυνέων ἐπιλήθεται οὐδέ τι κηδέων
μέμνηται· ταχέως δὲ παρέτραπε δῶρα θεάων.
χαίρετε, τέκνα Διός, δότε δʼ ἱμερόεσσαν ἀοιδήν.
κλείετε δʼ ἀθανάτων ἱερὸν γένος αἰὲν ἐόντων,105
οἳ Γῆς τʼ ἐξεγένοντο καὶ Οὐρανοῦ ἀστερόεντος,
Νυκτός τε δνοφερῆς, οὕς θʼ ἁλμυρὸς ἔτρεφε Πόντος.
εἴπατε δʼ, ὡς τὰ πρῶτα θεοὶ καὶ γαῖα γένοντο
καὶ ποταμοὶ καὶ πόντος ἀπείριτος, οἴδματι θυίων,
ἄστρα τε λαμπετόωντα καὶ οὐρανὸς εὐρὺς ὕπερθεν110
οἵ τʼ ἐκ τῶν ἐγένοντο θεοί, δωτῆρες ἐάων
ὥς τʼ ἄφενος δάσσαντο καὶ ὡς τιμὰς διέλοντο
ἠδὲ καὶ ὡς τὰ πρῶτα πολύπτυχον ἔσχον Ὄλυμπον.
ταῦτά μοι ἔσπετε Μοῦσαι, Ὀλύμπια δώματʼ ἔχουσαι
ἐξ ἀρχῆς, καὶ εἴπαθʼ, ὅ τι πρῶτον γένετʼ αὐτῶν.115
ἦ τοι μὲν πρώτιστα Χάος γένετʼ, αὐτὰρ ἔπειτα
Γαῖʼ εὐρύστερνος, πάντων ἕδος ἀσφαλὲς αἰεὶ
ἀθανάτων, οἳ ἔχουσι κάρη νιφόεντος Ὀλύμπου,
Τάρταρά τʼ ἠερόεντα μυχῷ χθονὸς εὐρυοδείης,
ἠδʼ Ἔρος, ὃς κάλλιστος ἐν ἀθανάτοισι θεοῖσι,120
λυσιμελής, πάντων δὲ θεῶν πάντων τʼ ἀνθρώπων
δάμναται ἐν στήθεσσι νόον καὶ ἐπίφρονα βουλήν.
ἐκ Χάεος δʼ Ἔρεβός τε μέλαινά τε Νὺξ ἐγένοντο·
Νυκτὸς δʼ αὖτʼ Αἰθήρ τε καὶ Ἡμέρη ἐξεγένοντο,
οὓς τέκε κυσαμένη Ἐρέβει φιλότητι μιγεῖσα.125
Γαῖα δέ τοι πρῶτον μὲν ἐγείνατο ἶσον ἑαυτῇ
Οὐρανὸν ἀστερόενθʼ, ἵνα μιν περὶ πάντα καλύπτοι,
ὄφρʼ εἴη μακάρεσσι θεοῖς ἕδος ἀσφαλὲς αἰεί.
γείνατο δʼ Οὔρεα μακρά, θεῶν χαρίεντας ἐναύλους,
Νυμφέων, αἳ ναίουσιν ἀνʼ οὔρεα βησσήεντα.130
ἣ δὲ καὶ ἀτρύγετον πέλαγος τέκεν, οἴδματι θυῖον,
Πόντον, ἄτερ φιλότητος ἐφιμέρου· αὐτὰρ ἔπειτα
Οὐρανῷ εὐνηθεῖσα τέκʼ Ὠκεανὸν βαθυδίνην,
Κοῖόν τε Κρῖόν θʼ Ὑπερίονά τʼ Ἰαπετόν τε
Θείαν τε Ῥείαν τε Θέμιν τε Μνημοσύνην τε135
Φοίβην τε χρυσοστέφανον Τηθύν τʼ ἐρατεινήν.
τοὺς δὲ μέθʼ ὁπλότατος γένετο Κρόνος ἀγκυλομήτης,
δεινότατος παίδων· θαλερὸν δʼ ἤχθηρε τοκῆα.
γείνατο δʼ αὖ Κύκλωπας ὑπέρβιον ἦτορ ἔχοντας,
Βρόντην τε Στερόπην τε καὶ Ἄργην ὀβριμόθυμον,140
οἳ Ζηνὶ βροντήν τε δόσαν τεῦξάν τε κεραυνόν.
οἳ δή τοι τὰ μὲν ἄλλα θεοῖς ἐναλίγκιοι ἦσαν,
μοῦνος δʼ ὀφθαλμὸς μέσσῳ ἐνέκειτο μετώπῳ.
Κύκλωπες δʼ ὄνομʼ ἦσαν ἐπώνυμον, οὕνεκʼ ἄρα σφέων
κυκλοτερὴς ὀφθαλμὸς ἕεις ἐνέκειτο μετώπῳ·145
ἰσχὺς δʼ ἠδὲ βίη καὶ μηχαναὶ ἦσαν ἐπʼ ἔργοις.
ἄλλοι δʼ αὖ Γαίης τε καὶ Οὐρανοῦ ἐξεγένοντο
τρεῖς παῖδες μεγάλοι τε καὶ ὄβριμοι, οὐκ ὀνομαστοί,
Κόττος τε Βριάρεώς τε Γύης θʼ, ὑπερήφανα τέκνα.
τῶν ἑκατὸν μὲν χεῖρες ἀπʼ ὤμων ἀίσσοντο,150
ἄπλαστοι, κεφαλαὶ δὲ ἑκάστῳ πεντήκοντα
ἐξ ὤμων ἐπέφυκον ἐπὶ στιβαροῖσι μέλεσσιν·
ἰσχὺς δʼ ἄπλητος κρατερὴ μεγάλῳ ἐπὶ εἴδει.
ὅσσοι γὰρ Γαίης τε καὶ Οὐρανοῦ ἐξεγένοντο,
δεινότατοι παίδων, σφετέρῳ δʼ ἤχθοντο τοκῆι155
ἐξ ἀρχῆς· καὶ τῶν μὲν ὅπως τις πρῶτα γένοιτο,
πάντας ἀποκρύπτασκε, καὶ ἐς φάος οὐκ ἀνίεσκε,
Γαίης ἐν κευθμῶνι, κακῷ δʼ ἐπετέρπετο ἔργῳ
Οὐρανός. ἣ δʼ ἐντὸς στοναχίζετο Γαῖα πελώρη
στεινομένη· δολίην δὲ κακήν τʼ ἐφράσσατο τέχνην.160
αἶψα δὲ ποιήσασα γένος πολιοῦ ἀδάμαντος
τεῦξε μέγα δρέπανον καὶ ἐπέφραδε παισὶ φίλοισιν·
εἶπε δὲ θαρσύνουσα, φίλον τετιημένη ἦτορ·
παῖδες ἐμοὶ καὶ πατρὸς ἀτασθάλου, αἴ κʼ ἐθέλητε
πείθεσθαι, πατρός κε κακὴν τισαίμεθα λώβην165
ὑμετέρου· πρότερος γὰρ ἀεικέα μήσατο ἔργα.
ὣς φάτο· τοὺς δʼ ἄρα πάντας ἕλεν δέος, οὐδέ τις αὐτῶν
φθέγξατο. θαρσήσας δὲ μέγας Κρόνος ἀγκυλομήτης
ἂψ αὖτις μύθοισι προσηύδα μητέρα κεδνήν·
μῆτερ, ἐγώ κεν τοῦτό γʼ ὑποσχόμενος τελέσαιμι170
ἔργον, ἐπεὶ πατρός γε δυσωνύμου οὐκ ἀλεγίζω
ἡμετέρου· πρότερος γὰρ ἀεικέα μήσατο ἔργα.
ὣς φάτο· γήθησεν δὲ μέγα φρεσὶ Γαῖα πελώρη·
εἷσε δέ μιν κρύψασα λόχῳ· ἐνέθηκε δὲ χερσὶν
ἅρπην καρχαρόδοντα· δόλον δʼ ὑπεθήκατο πάντα.175
ἦλθε δὲ νύκτʼ ἐπάγων μέγας Οὐρανός, ἀμφὶ δὲ Γαίῃ
ἱμείρων φιλότητος ἐπέσχετο καί ῥʼ ἐτανύσθη
πάντη· ὃ δʼ ἐκ λοχέοιο πάις ὠρέξατο χειρὶ
σκαιῇ, δεξιτερῇ δὲ πελώριον ἔλλαβεν ἅρπην
μακρὴν καρχαρόδοντα, φίλου δʼ ἀπὸ μήδεα πατρὸς180
ἐσσυμένως ἤμησε, πάλιν δʼ ἔρριψε φέρεσθαι
ἐξοπίσω· τὰ μὲν οὔ τι ἐτώσια ἔκφυγε χειρός·
ὅσσαι γὰρ ῥαθάμιγγες ἀπέσσυθεν αἱματόεσσαι,
πάσας δέξατο Γαῖα· περιπλομένων δʼ ἐνιαυτῶν
γείνατʼ Ἐρινῦς τε κρατερὰς μεγάλους τε Γίγαντας,185
τεύχεσι λαμπομένους, δολίχʼ ἔγχεα χερσὶν ἔχοντας,
Νύμφας θʼ ἃς Μελίας καλέουσʼ ἐπʼ ἀπείρονα γαῖαν.
μήδεα δʼ ὡς τὸ πρῶτον ἀποτμήξας ἀδάμαντι
κάββαλʼ ἀπʼ ἠπείροιο πολυκλύστῳ ἐνὶ πόντῳ,
ὣς φέρετʼ ἂμ πέλαγος πουλὺν χρόνον, ἀμφὶ δὲ λευκὸς190
ἀφρὸς ἀπʼ ἀθανάτου χροὸς ὤρνυτο· τῷ δʼ ἔνι κούρη
ἐθρέφθη· πρῶτον δὲ Κυθήροισιν ζαθέοισιν
ἔπλητʼ, ἔνθεν ἔπειτα περίρρυτον ἵκετο Κύπρον.
ἐκ δʼ ἔβη αἰδοίη καλὴ θεός, ἀμφὶ δὲ ποίη
ποσσὶν ὕπο ῥαδινοῖσιν ἀέξετο· τὴν δʼ Ἀφροδίτην195
ἀφρογενέα τε θεὰν καὶ ἐυστέφανον Κυθέρειαν
κικλῄσκουσι θεοί τε καὶ ἀνέρες, οὕνεκʼ ἐν ἀφρῷ
θρέφθη· ἀτὰρ Κυθέρειαν, ὅτι προσέκυρσε Κυθήροις·
Κυπρογενέα δʼ, ὅτι γέντο πολυκλύστῳ ἐνὶ Κύπρῳ·
ἠδὲ φιλομμηδέα, ὅτι μηδέων ἐξεφαάνθη.200
τῇ δʼ Ἔρος ὡμάρτησε καὶ Ἵμερος ἕσπετο καλὸς
γεινομένῃ τὰ πρῶτα θεῶν τʼ ἐς φῦλον ἰούσῃ.
ταύτην δʼ ἐξ ἀρχῆς τιμὴν ἔχει ἠδὲ λέλογχε
μοῖραν ἐν ἀνθρώποισι καὶ ἀθανάτοισι θεοῖσι,
παρθενίους τʼ ὀάρους μειδήματά τʼ ἐξαπάτας τε205
τέρψιν τε γλυκερὴν φιλότητά τε μειλιχίην τε.
τοὺς δὲ πατὴρ Τιτῆνας ἐπίκλησιν καλέεσκε
παῖδας νεικείων μέγας Οὐρανός, οὓς τέκεν αὐτός·
φάσκε δὲ τιταίνοντας ἀτασθαλίῃ μέγα ῥέξαι
ἔργον, τοῖο δʼ ἔπειτα τίσιν μετόπισθεν ἔσεσθαι.210
νὺξ δʼ ἔτεκεν στυγερόν τε Μόρον καὶ Κῆρα μέλαιναν
καὶ Θάνατον, τέκε δʼ Ὕπνον, ἔτικτε δὲ φῦλον Ὀνείρων·
δεύτερον αὖ Μῶμον καὶ Ὀιζὺν ἀλγινόεσσαν
οὔ τινι κοιμηθεῖσα θεὰ τέκε Νὺξ ἐρεβεννή,
Ἑσπερίδας θʼ, ᾗς μῆλα πέρην κλυτοῦ Ὠκεανοῖο215
χρύσεα καλὰ μέλουσι φέροντά τε δένδρεα καρπόν.
- ἀγάλλω; med. ἀγάλλομαι honrar, adornar; med.: enorgullecerse, ufanarse de en -ω
- ἀγείρω, aor. ἤγειρα reunir, congregar en -ω
- ἀγκυλομήτης, -ου de retorcidos designios, astuto (epíteto de Crono) 2 terminaciones
- ἡ ἀγορά, -ᾶς plaza, mercado f. · 1.ª decl.
- ἀγορεύω hablar (en la asamblea), decir en -ω
- ἄγραυλος, -ον que vive en el campo, agreste 2 terminaciones
- ὁ ἀγών, -ῶνος certamen, juegos m. · 3.ª decl.
- ὁ ἀδάμας, -αντος acero, adamante m. · 3.ª decl.
- ᾄδω (ἀείδω), aor. ᾖσα cantar en -ω
- ἀεί (ép. αἰεί) siempre adverbio
- ἀεικής, -ές (ép. también ἀεικέλιος) indigno, vergonzoso, miserable 2 terminaciones
- ἀέξω (át. αὔξω) hacer crecer; med.: crecer en -ω
- ἄζω; med. ἄζομαι secar; med.: secarse, consumirse (de pena) en -ω
- ὁ ἀήρ, ἀέρος (ép. ἠέρος; f. en Homero) aire; bruma, niebla m. · 3.ª decl.
- ἀθάνατος, -ον inmortal 2 terminaciones
- Ἀθήνη, -ης (át. Ἀθηνᾶ) Atenea nombre propio
- αἰγίοχος, -ον portador de la égida (epíteto de Zeus) 2 terminaciones
- αἰδοῖος, -α, -ον venerable, respetable 3 terminaciones
- ἡ αἰδώς, -οῦς pudor, vergüenza f. · 3.ª decl.
- αἰθαλόεις, -εσσα, -εν humeante, ardiente; ennegrecido 3 terminaciones
- ὁ αἰθήρ, -έρος éter, aire luminoso, cielo m. · 3.ª decl.
- αἱματόεις, -εσσα, -εν sangriento, de sangre 3 terminaciones
- αἱρέω, aor. εἷλον; med. αἱρέομαι, aor. εἱλόμην coger; med.: elegir en -ω
- ἀίσσω, aor. ᾖξα (ép. ἤιξα) lanzarse, precipitarse en -ω
- αἶψα al punto, enseguida adverbio
- ἀκάματος, -ον incansable, infatigable 2 terminaciones
- ἀκηδής, -ές despreocupado, libre de cuidados 2 terminaciones
- ἄκρος, -α, -ον extremo, la punta de 3 terminaciones
- ἀλγινόεις, -εσσα, -εν doloroso 3 terminaciones
- ἀλεγίζω preocuparse por, hacer caso de en -ω
- ἀληθής, -ές verdadero 2 terminaciones
- ἀλλά pero, sino conjunción
- ἄλλος, -η, -ο otro pronombre
- ἁλμυρός, -ά, -όν salado 3 terminaciones
- ἅμα a la vez; (+ dat.) junto con adverbio y preposición
- ἀμάω, aor. ἤμησα segar contracto en -άω
- ἀμβρόσιος, -α, -ον divino, inmortal 3 terminaciones
- ἄμβροτος, -ον inmortal, divino 2 terminaciones
- ἀμφί (+ ac.) en torno a, acerca de preposición
- ἄν partícula modal (potencial, irreal, eventual) partícula
- ἀνά (+ ac.) hacia arriba, por; distributivo: cada preposición
- τὸ ἀνάπαυμα, -ατος (ép. ἄμπαυμα) descanso, alivio n. · 3.ª decl.
- ὁ ἀνήρ, ἀνδρός hombre, varón; marido m. · 3.ª decl.
- ὁ ἄνθρωπος, -ου hombre, ser humano m. · 2.ª decl.
- ἀνίημι, iter. ἀνίεσκε soltar, dejar ir; hacer subir en -μι
- ἡ ἀοιδή, -ῆς canto, canción; conjuro, encantamiento f. · 1.ª decl.
- ὁ ἀοιδός, -οῦ aedo, cantor m. · 2.ª decl.
- ἁπαλός, -ή, -όν tierno, blando 3 terminaciones
- ἅπας, ἅπασα, ἅπαν todo, todo entero 3 terminaciones
- ἀπείριτος, -ον inmenso, infinito 2 terminaciones
- ἀπείρων, -ον ilimitado, inmenso 2 terminaciones
- ἄπλαστος, -ον enorme, informe (que no se puede modelar) 2 terminaciones
- ἄπλητος, -ον terrible, inmenso 2 terminaciones
- ἀπό (+ gen.) de, desde preposición
- ἀποκρύπτω, aor. ἀπέκρυψα ocultar en -ω
- ὁ Ἀπόλλων, -ωνος Apolo nombre propio
- ἀπόρνυμι; med. ἀπόρνυμαι med.: partir, ponerse en marcha en -μι
- ἀποσεύομαι, aor. ἀπεσσύμην alejarse a toda prisa deponente
- ἀποτμήγω, aor. ἀπέτμηξα cortar, cercenar en -ω
- ἄρα entonces, por tanto partícula
- Ἀργεῖος, -α, -ον argivo nombre propio
- ὁ Ἄργης, -ου Arges (uno de los Cíclopes) nombre propio
- ὁ/ἡ ἀρνός (gen.; sin nom.), ac. pl. ἄρνας cordero m./f. · 3.ª decl.
- ἡ ἅρπη, -ης hoz f. · 1.ª decl.
- ἡ Ἄρτεμις, -ιδος Ártemis nombre propio
- ἀρτιεπής, -ές de palabra precisa, elocuente 2 terminaciones
- ἡ ἀρχή, -ῆς principio; mando, cargo, provincia f. · 1.ª decl.
- ἄρχω, aor. ἦρξα; med. ἄρχομαι (+ gen.) mandar; med.: empezar en -ω
- ἀστερόεις, -εσσα, -εν estrellado 3 terminaciones
- τὸ ἄστρον, -ου astro, estrella n. · 2.ª decl.
- ἀσφαλής, -ές seguro, firme 2 terminaciones
- ἀτάρ (ép. αὐτάρ) pero, y además, entonces conjunción
- ἡ ἀτασθαλία, -ας (ép. -ίη) insolencia, temeridad criminal f. · 1.ª decl.
- ἀτάσθαλος, -ον insolente, criminal 2 terminaciones
- ἄτερ (ἄτερθε) sin, lejos de (+ gen.) preposición
- ἀτρύγετος, -ον estéril, inagotable (epíteto del mar) 2 terminaciones
- αὖ a su vez, de nuevo adverbio
- ἡ αὐδή, -ῆς voz f. · 1.ª decl.
- αὖθις de nuevo, otra vez adverbio
- αὖτε de nuevo; a su vez; por otra parte adverbio
- αὐτός, -ή, -ό él; mismo; ὁ αὐτός: el mismo pronombre
- τὸ ἄφενος, -ους riqueza, abundancia n. · 3.ª decl.
- ἀφρογενής, -ές nacida de la espuma (epíteto de Afrodita) 2 terminaciones
- ἡ Ἀφροδίτη, -ης Afrodita nombre propio
- ὁ ἀφρός, -οῦ espuma m. · 2.ª decl.
- ἀχεύω (ἄχνυμαι), perf. part. ἀκαχήμενος, aor. ἤκαχε afligirse, estar triste; ἤκαχε: afligió en -ω
- ἄψ hacia atrás, de vuelta adverbio
- βαθυδίνης, -ου de profundos remolinos 2 terminaciones
- βαίνω, aor. ἔβην ir, andar en -ω
- ὁ βασιλεύς, -έως rey m. · 3.ª decl.
- βησσήεις, -εσσα, -εν boscoso, de cañadas 3 terminaciones
- ἡ βία, -ας fuerza, violencia f. · 1.ª decl.
- βλάπτω, aor. ἔβλαψα dañar en -ω
- ἡ βουλή, -ῆς consejo, plan, designio f. · 1.ª decl.
- ὁ Βριάρεως, -εω Briareo (uno de los Hecatonquiros) nombre propio
- ἡ βροντή, -ῆς trueno f. · 1.ª decl.
- ὁ Βρόντης, -ου Brontes (uno de los Cíclopes) nombre propio
- ὁ βωμός, -οῦ altar m. · 2.ª decl.
- ἡ γαῖα, -ης tierra f. · 1.ª decl.
- γαιήοχος, -ον que sostiene (o ciñe) la tierra (epíteto de Poseidón) 2 terminaciones
- γάρ pues, porque partícula
- ἡ γαστήρ, -τρός vientre f. · 3.ª decl.
- γε al menos, por cierto (enfática) partícula
- γείνομαι, aor. ἐγεινάμην nacer; aor.: engendrar, dar a luz deponente
- γελάω, aor. ἐγέλασα reír contracto en -άω
- τὸ γένος, -ους linaje, estirpe, raza n. · 3.ª decl.
- ἡ γῆ, γῆς tierra f. · 3.ª decl.
- γηθέω (dór. γαθέω) alegrarse contracto en -έω
- γηρύω (dór. γαρύω); med. γηρύομαι hacer oír la voz, cantar, proclamar en -ω
- ὁ Γίγας, -αντος Gigante nombre propio
- γίγνομαι (γίνομαι), fut. γενήσομαι, aor. ἐγενόμην, perf. γέγονα llegar a ser, nacer, suceder deponente
- γλαυκῶπις, -ιδος de ojos brillantes (epíteto de Atenea) 2 terminaciones
- γλυκερός, -ά, -όν dulce 3 terminaciones
- ἡ γλῶσσα, -ης lengua; don de lenguas f. · 1.ª decl.
- ὁ γουνός, -οῦ colina, altura m. · 2.ª decl.
- ὁ Γύης, -ου Giges (uno de los Hecatonquiros) nombre propio
- δάμνημι (δαμνάω) domar, someter, abatir en -μι
- δατέομαι, aor. ἐδασ(σ)άμην repartirse deponente contracto
- ἡ Δάφνη, -ης Dafne nombre propio
- δέ y, pero (correlativa de μέν) partícula
- δεινός, -ή, -όν terrible; hábil 3 terminaciones
- τὸ δένδρον, -ου (ép. δένδρεον) árbol n. · 2.ª decl.
- δεξιτερός, -ά, -όν derecho; ἡ δεξιτερά: la mano derecha 3 terminaciones
- τὸ δέος, -ους temor n. · 3.ª decl.
- δεύτερος, -α, -ον segundo; δεύτερον (adv.): por segunda vez 3 terminaciones
- δέχομαι, aor. ἐδεξάμην recibir, aceptar; preferir deponente
- δή pues bien, precisamente (enfática) partícula
- διά (+ gen.) a través de, por medio de; (+ ac.) a causa de preposición
- διαιρέω, aor. διεῖλον dividir, repartir en -ω
- διακρίνω, perf. pas. διακέκριμαι separar en -ω
- διατάσσω (át. διατάττω) ordenar, disponer, repartir en -ω
- διδάσκω, aor. ἐδίδαξα enseñar en -ω
- δίδωμι, fut. δώσω, aor. ἔδωκα dar en -μι
- ἡ δίκη, -ης justicia; juicio, sentencia; pena f. · 1.ª decl.
- διοτρεφής, -ές criado por Zeus 2 terminaciones
- ἡ Διώνη, -ης Dione nombre propio
- δνοφερός, -ά, -όν oscuro, sombrío 3 terminaciones
- δόλιος, -α, -ον engañoso, astuto 3 terminaciones
- δολιχός, -ή, -όν largo 3 terminaciones
- ὁ δόλος, -ου astucia, engaño, trampa m. · 2.ª decl.
- ἡ δόσις, -εως don, regalo f. · 3.ª decl.
- ὁ δοῦπος, -ου estruendo, ruido sordo m. · 2.ª decl.
- τὸ δρέπανον, -ου hoz n. · 2.ª decl.
- δρέπω coger, cosechar en -ω
- ἡ δρῦς, δρυός encina, roble f. · 3.ª decl.
- ἡ δυσφροσύνη, -ης pena, preocupación f. · 1.ª decl.
- δυσώνυμος, -ον de nombre odioso, aborrecido 2 terminaciones
- τὸ δῶμα, -ατος casa, morada n. · 3.ª decl.
- τὸ δῶρον, -ου regalo n. · 2.ª decl.
- ὁ δωτήρ, -ῆρος dador m. · 3.ª decl.
- ἑαυτοῦ, -ῆς, -οῦ de sí mismo (reflexivo) pronombre
- ἔγκειμαι estar puesto en, estar dentro deponente
- τὸ ἔγχος, -ους lanza n. · 3.ª decl.
- ἐγώ, ἐμοῦ / μου; pl. ἡμεῖς yo; nosotros pronombre
- τὸ ἕδος, -ους asiento, morada n. · 3.ª decl.
- ἐθέλω (θέλω), aor. ἠθέλησα querer en -ω
- εἰ si conjunción
- τὸ εἶδος, -ους aspecto, belleza n. · 3.ª decl.
- εἰμί, fut. ἔσομαι, impf. ἦν ser, estar, existir en -μι
- εἶμι, impf. ᾖα, inf. ἰέναι, part. ἰών ir (en ático, futuro de ἔρχομαι) en -μι
- εἴρω (ép. part. εἴρουσα) decir en -ω
- εἰς (ἐς) (+ ac.) a, hacia, hasta preposición
- εἷς, μία, ἕν uno numeral
- εἰσαναβαίνω subir a en -ω
- ἐκ, ἐξ (+ gen.) de, desde, fuera de preposición
- ἕκαστος, -η, -ον cada uno pronombre
- ἑκατόν cien numeral
- ἐκγίγνομαι, perf. ἐκγέγονα nacer de deponente
- ἑκηβόλος, -ον que hiere de lejos (epíteto de Apolo) 2 terminaciones
- ἐκλήγω cesar por completo en -ω
- ἐκφαίνω mostrar; pas.: aparecer, salir a la luz en -ω
- ἐκφεύγω, aor. ἐξέφυγον escapar en -ω
- ὁ ἔλεγχος, -ου (ép. τὸ ἔλεγχος) prueba, refutación; (en Hesíodo) oprobio m. · 2.ª decl.
- ὁ Ἐλευθῆρ, -ῆρος Eléuter (ciudad de Beocia) nombre propio
- ἑλικοβλέφαρος, -ον de párpados ondulantes, de mirada viva 2 terminaciones
- ὁ Ἑλικών, -ῶνος el Helicón nombre propio
- αἱ Ἑλικωνιάδες, -ων las Heliconíadas (las Musas) nombre propio
- ἐμβαίνω, perf. ἐμβέβηκα subir a, montar; perf.: estar calzado en -ω
- ἐμβασιλεύω reinar en en -ω
- ἐμπνέω, aor. ἐνέπνευσα (+ dat.) soplar en en -ω
- ἐμποιέω producir, causar; med.: formar contracto en -έω
- ἐν (+ dat.) en preposición
- ἐναλίγκιος, -ον (+ dat.) semejante a 2 terminaciones
- ὁ ἔναυλος, -ου torrente, lecho de un río m. · 2.ª decl.
- ἔνθα donde, allí adverbio
- ἔνθεν de allí, desde allí adverbio
- ὁ ἐνιαυτός, -οῦ año m. · 2.ª decl.
- ἐννέα nueve numeral
- Ἐννοσίγαιος, -ου el que sacude la tierra (Poseidón) nombre propio
- ἐννύχιος, -α, -ον nocturno 3 terminaciones
- ἐντίθημι, aor. ἐνέθηκα meter, poner dentro en -μι
- ἐντός dentro; (+ gen.) dentro de adverbio y preposición
- ἡ ἐξαπάτη, -ης engaño f. · 1.ª decl.
- ἐξοπίσω hacia atrás adverbio
- ἐπάγω, aor. ἐπήγαγον traer, atraer en -ω
- ἐπεί cuando, después de que; puesto que conjunción
- ἔπειτα después, luego adverbio
- ἐπέχω, aor. ἐπέσχον retener, detener en -ω
- ἐπήρατος, -ον encantador, amable 2 terminaciones
- ἐπί (+ gen.) sobre, en; (+ dat.) sobre, en poder de; (+ ac.) hacia, contra preposición
- ἡ ἐπίκλησις, -εως sobrenombre, advocación f. · 3.ª decl.
- ἐπιλήθω; med. ἐπιλήθομαι med.: olvidar en -ω
- ἐπιρρώομαι moverse con brío deponente
- ἐπισταμένως con destreza adverbio
- ἐπιτέρπομαι deleitarse deponente
- ἐπίφρων, -ον prudente 2 terminaciones
- ἕπομαι (+ dat.) seguir, acompañar deponente
- τὸ ἔπος, -ους palabra; ὡς ἔπος εἰπεῖν: por así decir n. · 3.ª decl.
- ἐπώνυμος, -ον que da su nombre; nombre significativo 2 terminaciones
- ἐρατεινός, -ή, -όν amable, encantador 3 terminaciones
- ἐρατός, -ή, -όν amable, encantador 3 terminaciones
- ἡ Ἐρατώ, -οῦς Érato (musa) nombre propio
- τὸ ἔργον, -ου obra, hecho, trabajo n. · 2.ª decl.
- ἐρεβεννός, -ή, -όν tenebroso 3 terminaciones
- τὸ Ἔρεβος, -ους el Érebo (las tinieblas) nombre propio
- ἐρίγδουπος, -ον tonante (epíteto de Zeus) 2 terminaciones
- ἐριθηλής, -ές lozano, frondoso 2 terminaciones
- ἡ Ἐρινύς, -ύος Erinia (divinidad vengadora) nombre propio
- ἐρισθενής, -ές poderosísimo 2 terminaciones
- ἡ ἔρση, -ης (ἐέρση) rocío f. · 1.ª decl.
- ἔρχομαι, fut. εἶμι / ἐλεύσομαι, aor. ἦλθον ir, venir deponente
- ὁ Ἔρως, -ωτος (Ἔρος) Eros, el Amor nombre propio
- ἡ Ἑσπερίς, -ίδος Hespéride nombre propio
- ἔτυμος, -ον verdadero 2 terminaciones
- ἐτώσιος, -ον vano, inútil 2 terminaciones
- εὖ bien; εὖ ποιεῖν: hacer bien a adverbio
- εὐνάω acostar; pas.: acostarse, unirse (en el lecho) contracto en -άω
- εὐρυόδεια (fem.) de anchos caminos (epíteto de la tierra) 3 terminaciones
- εὐρύς, -εῖα, -ύ ancho, vasto 3 terminaciones
- εὐρύστερνος, -ον de amplio pecho 2 terminaciones
- ἐύς, ἐύ (ép. ἠύς) bueno, valiente 2 terminaciones
- εὐστέφανος, -ον de bella corona 2 terminaciones
- εὖτε cuando conjunción
- ἡ Εὐτέρπη, -ης Euterpe (musa) nombre propio
- ἐφίμερος, -ον deseable, encantador 2 terminaciones
- ἐχέφρων, -ον sensato, prudente 2 terminaciones
- ἐχθαίρω, aor. ἤχθηρα odiar en -ω
- ἔχθω; med. ἔχθομαι odiar; med.: ser odioso en -ω
- ἔχω, fut. ἕξω, aor. ἔσχον, impf. εἶχον tener; (+ adv.) estar; (+ inf.) poder en -ω
- ζάθεος, -α, -ον divino, sagrado 3 terminaciones
- ὁ Ζεύς, Διός Zeus nombre propio
- ἤ o; que (tras comparativo) conjunción
- ἦ en verdad; ¿acaso?; ἦ μήν: sin duda (en juramentos) partícula
- ἡ Ἥβη, -ης Hebe nombre propio
- ἠδέ y conjunción
- ἡδύς, -εῖα, -ύ (comp. ἡδίων, sup. ἥδιστος) dulce, agradable 3 terminaciones
- ἠερόεις, -εσσα, -εν brumoso, sombrío 3 terminaciones
- τὸ ἦθος, -ους carácter, costumbre; pl. (en Hesíodo): usos, costumbres n. · 3.ª decl.
- ὁ ἥλιος, -ου sol m. · 2.ª decl.
- τὸ ἦμαρ, -ατος día n. · 3.ª decl.
- ἡ ἡμέρα, -ας día f. · 1.ª decl.
- ἡμέτερος, -α, -ον nuestro 3 terminaciones
- ἡ ἤπειρος, -ου tierra firme, continente f. · 2.ª decl.
- ἡ Ἥρα, -ας Hera nombre propio
- ὁ Ἡσίοδος, -ου Hesíodo nombre propio
- τὸ ἦτορ corazón; ánimo n. · 3.ª decl.
- ἠχέω resonar en -ω
- ἡ ἠώς, ἠοῦς (át. ἕως) aurora; Ἠώς: la Aurora f. · 3.ª decl.
- θάλεια (fem. de θαλύς) floreciente, abundante 3 terminaciones
- θαλερός, -ή, -όν floreciente, joven 3 terminaciones
- ἡ θαλία, -ας (ép. -ίη) banquete, fiesta; abundancia f. · 1.ª decl.
- ὁ θάνατος, -ου muerte m. · 2.ª decl.
- θαρσέω tener valor, confiar contracto en -έω
- θαρσύνω animar, infundir valor en -ω
- ἡ θεά, -ᾶς (ép. gen. pl. θεάων) diosa f. · 1.ª decl.
- ἡ Θεία, -ας Tea (titánide) nombre propio
- ἡ θέμις, -ιτος lo lícito; θέμις (ἐστί): es lícito f. · 3.ª decl.
- ὁ θεός, -οῦ dios m. · 2.ª decl.
- ὁ θεράπων, -οντος servidor m. · 3.ª decl.
- θέσπις, -ιος divino, inspirado 2 terminaciones
- θηητός, -ή, -όν admirable, digno de verse 3 terminaciones
- ἡ θυγάτηρ, θυγατρός hija f. · 3.ª decl.
- ὁ θυμός, -οῦ ánimo, corazón; ira m. · 2.ª decl.
- θύω (θυίω) lanzarse con ímpetu, enfurecerse en -ω
- ὁ Ἰαπετός, -οῦ Jápeto nombre propio
- ἰάχω gritar, resonar; (del hierro) chirriar en -ω
- ἰδέ y conjunción
- ἱερός, -ά, -όν (ép. ἱρός) sagrado; τὰ ἱερά: los sacrificios 3 terminaciones
- ἵζω (ἱζάνω, eol. ἰσδάνω), aor. εἷσα sentar; intr.: sentarse en -ω
- ἵημι, aor. ἧκα lanzar, arrojar, emitir en -μι
- ἰθύς, -εῖα, -ύ recto, derecho 3 terminaciones
- ἱκνέομαι, aor. ἱκόμην llegar deponente contracto
- ἱλάσκομαι aplacar, propiciar deponente
- ἱμείρω (eol. ἰμέρρω) desear, anhelar en -ω
- ἱμερόεις, -εσσα, -εν encantador, deseable 3 terminaciones
- ὁ ἵμερος, -ου deseo, anhelo (Ἵμερος: el Deseo personificado) m. · 2.ª decl.
- ἵνα para que (+ subj.) conjunción
- ἰοειδής, -ές de color violeta 2 terminaciones
- ἰοχέαιρα (fem.) flechadora (epíteto de Ártemis) 3 terminaciones
- ὁ ἵππος, -ου caballo m. · 2.ª decl.
- ἴσος, -η, -ον igual; ἐξ ἴσου: en pie de igualdad 3 terminaciones
- ἡ ἰσχύς, -ύος fuerza, vigor f. · 3.ª decl.
- καί y; también, incluso conjunción
- κακός, -ή, -όν malo; τὸ κακόν: el mal 3 terminaciones
- καλέω, aor. ἐκάλεσα, aor. pas. ἐκλήθην llamar contracto en -έω
- ἡ Καλλιόπη, -ης Calíope (musa) nombre propio
- καλός, -ή, -όν (sup. κάλλιστος) hermoso, bueno 3 terminaciones
- καλύπτω, aor. ἐκάλυψα cubrir, envolver en -ω
- τὸ κάρα (poét.) cabeza n. · 3.ª decl.
- ἡ καρδία, -ας corazón f. · 1.ª decl.
- ὁ καρπός, -οῦ fruto m. · 2.ª decl.
- τὸ κάρτος, -ους fuerza n. · 3.ª decl.
- καρχαρόδους, -οντος de dientes afilados 2 terminaciones
- καταβάλλω, aor. κατέβαλον derribar en -ω
- καταπαύω; med. καταπαύομαι hacer cesar; med.: cesar en -ω
- κεδνός, -ή, -όν solícito; querido, venerable 3 terminaciones
- κέλομαι, aor. ἐκεκλόμην exhortar, ordenar; llamar deponente
- ὁ κεραυνός, -οῦ rayo m. · 2.ª decl.
- ὁ κευθμών, -ῶνος escondrijo, cavidad m. · 3.ª decl.
- ἡ κεφαλή, -ῆς cabeza f. · 1.ª decl.
- τὸ κῆδος, -εος pena, preocupación n. · 3.ª decl.
- ἡ Κήρ, Κηρός Ker (divinidad de la muerte violenta) nombre propio
- ὁ κιθαριστής, -οῦ citarista m. · 1.ª decl.
- κικλήσκω llamar, nombrar en -ω
- ἡ Κλειώ, -οῦς Clío (musa) nombre propio
- κλείω (κλέω) celebrar, cantar la gloria de en -ω
- τὸ κλέος gloria, fama n. · 3.ª decl.
- κλυτός, -ή, -όν ilustre, famoso 3 terminaciones
- κοιμάω; med. κοιμάομαι, fut. κοιμήσομαι hacer dormir; med.: dormir, acostarse contracto en -άω
- ὁ Κοῖος, -ου Ceo (titán) nombre propio
- ἡ κόρη, -ης muchacha f. · 1.ª decl.
- ἡ κορυφή, -ῆς cima, cumbre f. · 1.ª decl.
- ὁ Κόττος, -ου Coto (uno de los Hecatonquiros) nombre propio
- κρατερός, -ά, -όν fuerte, poderoso 3 terminaciones
- τὸ κράτος, -εος fuerza, poder n. · 3.ª decl.
- ἡ κρήνη, -ης fuente f. · 1.ª decl.
- ὁ Κρῖος, -ου Crío (titán) nombre propio
- Κρονίδης, -ου el Crónida, hijo de Crono (Zeus) nombre propio
- ὁ Κρονίων, -ωνος el Crónida, hijo de Crono (Zeus) nombre propio
- Κρόνος, -ου Crono nombre propio
- κρύπτω ocultar, esconder; enterrar en -ω
- ἡ Κυθέρεια, -ας Citerea (Afrodita) nombre propio
- Κύθηρα, -ων Citera nombre propio
- κυκλοτερής, -ές redondo, circular 2 terminaciones
- Κύκλωψ, -ωπος Cíclope nombre propio
- Κυπρογενής, -ές nacida en Chipre (Afrodita) 2 terminaciones
- ἡ Κύπρος, -ου Chipre nombre propio
- κύω, aor. ἔκυσα concebir, estar encinta en -ω
- λαγχάνω, aor. ἔλαχον (ép. ἔλλαχον) obtener por suerte; tocarle a uno en suerte en -ω
- λαμβάνω, fut. λήψομαι, aor. ἔλαβον coger, tomar, recibir en -ω
- λαμπετάω brillar contracto en -άω
- λαμπρός, -ά, -όν brillante, luminoso 3 terminaciones
- λάμπω brillar, resplandecer en -ω
- ὁ λαός, -οῦ pueblo, gente m. · 2.ª decl.
- λέγω, fut. ἐρῶ, aor. εἶπον, perf. pas. εἴρημαι decir en -ω
- λειριόεις, -εσσα, -εν delicado como el lirio 3 terminaciones
- λευκός, -ή, -όν blanco 3 terminaciones
- τὸ λέχος, -ους lecho n. · 3.ª decl.
- ἡ λησμοσύνη, -ης olvido f. · 1.ª decl.
- ἡ Λητώ, -οῦς Leto nombre propio
- λιπαρός, -ά, -όν brillante; rico, espléndido 3 terminaciones
- λούω, aor. ἔλουσα; med. λούομαι lavar; med.: bañarse en -ω
- ὁ λοχεός, -οῦ escondite, emboscada m. · 2.ª decl.
- ὁ λόχος, -ου emboscada m. · 2.ª decl.
- λυσιμελής, -ές que afloja los miembros 2 terminaciones
- ἡ λώβη, -ης ultraje f. · 1.ª decl.
- μάκαρ, -αρος feliz, bienaventurado; οἱ μάκαρες: los dioses 2 terminaciones
- μακρός, -ά, -όν (adv. μακράν) largo, lejano; μακράν: lejos 3 terminaciones
- μαλακός, -ή, -όν blando, suave 3 terminaciones
- μέγας, μεγάλη, μέγα grande 3 terminaciones
- μεδέων, -ουσα (part.) que gobierna, señor de 2 terminaciones
- τὸ μείδημα, -ατος sonrisa n. · 3.ª decl.
- ἡ μειλιχία, -ας (ép. -ίη) dulzura, suavidad f. · 1.ª decl.
- μειλίχιος, -α, -ον dulce, amable 3 terminaciones
- μείλιχος, -ον dulce, amable 2 terminaciones
- ὁ μείς, μηνός mes m. · 3.ª decl.
- μέλας, μέλαινα, μέλαν negro, oscuro, moreno 3 terminaciones
- αἱ Μελίαι, -ῶν las Melias (ninfas de los fresnos) nombre propio
- τὸ μέλος, -ους canto, melodía n. · 3.ª decl.
- ἡ Μελπομένη, -ης Melpómene (musa) nombre propio
- μέλπω; med. μέλπομαι cantar, celebrar con cantos y danzas en -ω
- μέλει (impers.) (+ dat. y gen.) importar impersonal
- μέν por una parte (correlativa de δέ) partícula
- ἡ μέρμηρα, -ας cuidado, inquietud f. · 1.ª decl.
- μέσος, -η, -ον que está en medio; el centro de 3 terminaciones
- μετά (+ gen.) con; (+ ac.) después de preposición
- μετάτροπος, -ον que vuelve, de revés 2 terminaciones
- μετόπισθε(ν) detrás; después adverbio
- τὸ μέτωπον, -ου frente n. · 2.ª decl.
- μήδομαι maquinar, tramar deponente
- τὸ μῆδος, -ους designio; pl. (en Hesíodo): genitales n. · 3.ª decl.
- τὸ μῆλον, -ου manzana n. · 2.ª decl.
- ἡ μήτηρ, μητρός madre f. · 3.ª decl.
- μητίετα (ép.) prudente, consejero (epíteto de Zeus) 3 terminaciones
- ἡ μηχανή, -ῆς recurso, artificio f. · 1.ª decl.
- μίγνυμι (μείγνυμι), aor. ἔμιξα mezclar; pas.: unirse (a una mujer) en -μι
- μιμνῄσκω; perf. μέμνημαι recordar; pas.: acordarse de en -ω
- μιν (ép.) a él, a ella (= αὐτόν, αὐτήν) pronombre
- ἡ Μνημοσύνη, -ης Mnemósine (madre de las Musas) nombre propio
- ἡ μοῖρα, -ας parte, destino; θείᾳ μοίρᾳ: por designio divino f. · 1.ª decl.
- ἡ μολπή, -ῆς canto y danza f. · 1.ª decl.
- μόνος, -η, -ον (adv. μόνον) solo, único 3 terminaciones
- ὁ μόρος, -ου destino, muerte m. · 2.ª decl.
- ἡ Μοῦσα, -ης (dór. Μοῖσα) Musa; (en Teócrito) canto, poesía nombre propio
- ὁ μῦθος, -ου palabra, discurso; relato m. · 2.ª decl.
- ὁ μυχός, -οῦ rincón, fondo m. · 2.ª decl.
- ὁ Μῶμος, -ου Momo, el Reproche nombre propio
- ναίω habitar, vivir en -ω
- νεικέω reñir, reprender contracto en -έω
- τὸ νεῖκος, -ους disputa, querella n. · 3.ª decl.
- νεοκηδής, -ές de reciente duelo 2 terminaciones
- νικάω, aor. ἐνίκησα vencer contracto en -άω
- νίσσομαι ir, marcharse deponente
- νιφόεις, -εσσα, -εν nevado 3 terminaciones
- ὁ νόμος, -ου ley m. · 2.ª decl.
- νόσφι(ν) lejos; (+ gen.) lejos de, sin adverbio y preposición
- ὁ νοῦς, νοῦ (jón. νόος) mente; ἐν νῷ ἔχειν: tener intención m. · 2.ª decl.
- ἡ νύμφη, -ης ninfa; novia f. · 1.ª decl.
- νῦν ahora adverbio
- ἡ νύξ, νυκτός noche f. · 3.ª decl.
- ὁ, ἡ, τό el, la, lo; ὁ μέν... ὁ δέ: uno... otro artículo
- ὁ ὄαρος, -ου conversación íntima, charla amorosa m. · 2.ª decl.
- ὀβριμόθυμος, -ον de ánimo violento 2 terminaciones
- ὄβριμος, -η, -ον pesado, poderoso 3 terminaciones
- ὅδε, ἥδε, τόδε este (de aquí) pronombre
- ὁ ὄζος, -ου rama, vástago m. · 2.ª decl.
- οἶδα, fut. εἴσομαι, plusc. ᾔδη saber perfecto-presente
- τὸ οἶδμα, -ατος oleaje n. · 3.ª decl.
- ἡ Ὀιζύς, -ύος Miseria (personificada) nombre propio
- τὸ οἰκίον, -ου casa, morada n. · 2.ª decl.
- οἷος, -α, -ον cual, tal como pronombre
- ὄλβιος, -α, -ον dichoso, próspero 3 terminaciones
- ὁ Ὀλμειός, -οῦ el Olmeo (río del Helicón) nombre propio
- Ὀλύμπιος, -α, -ον olímpico; ὁ Ὀλύμπιος: el Olímpico (Zeus) 3 terminaciones
- ὁ Ὄλυμπος, -ου el Olimpo nombre propio
- ὁμαρτέω acompañar contracto en -έω
- ὁμηρέω concordar, unirse (las voces) en -ω
- ὅμοιος, -α, -ον (+ dat.) semejante 3 terminaciones
- ὁμόφρων, -ον unánime, concorde 2 terminaciones
- ὅμως sin embargo adverbio
- ὁ ὄνειρος, -ου sueño; Ὄνειροι: los Sueños m. · 2.ª decl.
- τὸ ὄνομα, -ατος nombre n. · 3.ª decl.
- ὀνομαστός, -ή, -όν famoso, renombrado 3 terminaciones
- ὀπηδέω (ép.) (+ dat.) acompañar, seguir contracto en -έω
- ὁπλότατος, -η, -ον el más joven 3 terminaciones
- ὅπως para que; cómo conjunción
- ὁράω, fut. ὄψομαι, aor. εἶδον, perf. ἑώρακα ver contracto en -άω
- ὀρέγω, aor. ὤρεξα tender, alargar en -ω
- ὄρνυμι, aor. ὦρσα levantar, suscitar; plusc. ὀρώρει: se levantaba en -μι
- τὸ ὄρος, -ους (ép. -εος) monte, montaña n. · 3.ª decl.
- ὀρχέομαι bailar deponente contracto
- ὅς, ἥ, ὅ que, el cual (relativo) pronombre
- ὅσος, -η, -ον cuanto, cuan grande pronombre
- ἡ ὄσσα, -ης voz, rumor f. · 1.ª decl.
- ὅστε, ἥτε, ὅτε (ép.) el cual, que pronombre
- ὅστις, ἥτις, ὅ τι quienquiera que, el que; qué (interr. indirecto) pronombre
- ὅτε cuando conjunción
- ὅτι que; porque; (+ superl.) lo más... posible; ὅτι μή: salvo que conjunción
- οὐ, οὐκ, οὐχ no adverbio
- οὗ, οἷ, ἕ de sí, a sí (reflexivo de 3.ª pers.) pronombre
- οὐδέ ni, ni siquiera conjunción
- οὕνεκα porque, por qué conjunción
- ἡ Οὐρανία, -ας (ép. -ίη) Urania (musa) nombre propio
- ὁ οὐρανός, -οῦ cielo m. · 2.ª decl.
- οὔτις, οὔτι nadie, nada pronombre
- οὗτος, αὕτη, τοῦτο este, ese pronombre
- ὁ ὀφθαλμός, -οῦ ojo m. · 2.ª decl.
- ὄφρα para que; mientras, hasta que conjunción
- ἡ ὄψ, ὀπός voz f. · 3.ª decl.
- ὁ, ἡ παῖς, παιδός niño, hijo; criado m./f. · 3.ª decl.
- πάλιν de nuevo; de vuelta adverbio
- πάντῃ por todas partes adverbio
- παρά (+ gen.) de parte de; (+ dat.) junto a, en casa de; (+ ac.) junto a, hacia preposición
- παρατρέπω desviar, distraer en -ω
- παράφημι (ép. part. παραιφάμενος) persuadir con palabras en -μι
- παρθένιος, -α, -ον virginal, de doncella 3 terminaciones
- πᾶς, πᾶσα, πᾶν todo, cada 3 terminaciones
- ὁ πατήρ, πατρός padre m. · 3.ª decl.
- τὸ πέδιλον, -ου sandalia (poét.) n. · 2.ª decl.
- πείθω, aor. ἔπεισα; med. πείθομαι persuadir; med.: obedecer, creer en -ω
- τὸ πέλαγος, -ους mar abierto n. · 3.ª decl.
- πελάζω, aor. ἐπέλασ(σ)α acercar, llevar a en -ω
- πελώριος, -ον gigantesco, monstruoso 2 terminaciones
- πέλωρος, -η, -ον gigantesco, monstruoso 3 terminaciones
- τὸ πένθος, -ους duelo, pena n. · 3.ª decl.
- πεντήκοντα cincuenta numeral
- πέρα (ép. πέρην) más allá, al otro lado de adverbio
- περί (+ gen.) acerca de; (+ ac.) en torno a, respecto a preposición
- περικαλλής, -ές bellísimo 2 terminaciones
- περιπέλομαι girar; περιπλομένων ἐνιαυτῶν: al correr de los años deponente
- περίρρυτος, -ον rodeado por el mar 2 terminaciones
- ὁ Περμησσός, -οῦ el Permeso (río del Helicón) nombre propio
- ἡ πέτρα, -ας roca f. · 1.ª decl.
- ἡ Πιερία, -ας Pieria nombre propio
- ἡ πόα (ép. ποίη), -ας hierba f. · 3.ª decl.
- ποιέω, aor. ἐποίησα hacer contracto en -έω
- ποιμαίνω pastorear en -ω
- ὁ ποιμήν, -ένος pastor m. · 3.ª decl.
- πολιός, -ά, -όν gris, canoso; (del mar) espumoso 3 terminaciones
- πολύκλυστος, -ον batido por las olas 2 terminaciones
- ἡ Πολύμνια, -ας Polimnia (musa) nombre propio
- πολύπτυχος, -ον de muchos valles 2 terminaciones
- πολύς, πολλή, πολύ mucho; ὡς τὰ πολλά: la mayoría de las veces 3 terminaciones
- ὁ πόντος, -ου mar, alta mar m. · 2.ª decl.
- ὁ Ποσειδῶν, -ῶνος Posidón nombre propio
- ὁ ποταμός, -οῦ río m. · 2.ª decl.
- ποτέ alguna vez, en otro tiempo adverbio
- πότνια venerable, augusta 3 terminaciones
- ὁ πούς, ποδός pie m. · 3.ª decl.
- πρέπω distinguirse; πρέπει: conviene en -ω
- πρό (+ gen.) delante de, antes de preposición
- πρός (+ ac.) hacia, a, ante, respecto a preposición
- προσαυδάω dirigir la palabra contracto en -άω
- προσκυρέω alcanzar, llegar a en -ω
- πρότερος, -α, -ον (adv. πρότερον) anterior, primero (de dos) 3 terminaciones
- προφερής, -ές superior, sobresaliente 2 terminaciones
- πρώτιστος, -η, -ον el primero de todos; πρώτιστα (adv.): ante todo 3 terminaciones
- πρῶτος, -η, -ον (adv. πρῶτον) primero 3 terminaciones
- ῥαδινός, -ή, -όν esbelto, delicado 3 terminaciones
- ῥᾴδιος, -α, -ον (ép. adv. ῥηιδίως) fácil; ῥηιδίως: fácilmente 3 terminaciones
- ἡ ῥαθάμιγξ, -ιγγος gota f. · 3.ª decl.
- Ῥέα (ép. Ῥείη), -ας Rea nombre propio
- ῥέζω, aor. ἔρεξα hacer; sacrificar en -ω
- ῥέω, aor. ἐρρύην fluir en -ω
- ῥίπτω, aor. ἔρριψα arrojar en -ω
- ἡ σελήνη, -ης luna f. · 1.ª decl.
- σεύω, aor. med. ἐσσύμην lanzar; med.: lanzarse, precipitarse; ἐσσυμένως: con prisa en -ω
- σκαιός, -ά, -όν izquierdo; torpe 3 terminaciones
- τὸ σκῆπτρον, -ου (dór. σκᾶπτρον) cetro, bastón n. · 2.ª decl.
- σκίδνημι dispersar; med.: esparcirse en -μι
- στείνω estrechar; pas.: estar repleto, abarrotado en -ω
- στείχω caminar, ir (poét. y jón.) en -ω
- στεναχίζω gemir, lamentarse en -ω
- ὁ Στερόπης, -ου Estéropes (uno de los Cíclopes) nombre propio
- τὸ στῆθος, -εος pecho n. · 3.ª decl.
- στιβαρός, -ά, -όν robusto, macizo 3 terminaciones
- τὸ στόμα, -ατος boca n. · 3.ª decl.
- στυγερός, -ά, -όν odioso, terrible 3 terminaciones
- σύ, σοῦ / σου; pl. ὑμεῖς tú; vosotros pronombre
- σφεῖς, σφῶν, σφίσι ellos (reflexivo indirecto de 3.ª pl.) pronombre
- σφέτερος, -α, -ον suyo (de ellos) 3 terminaciones
- τανύω, perf. pas. τετάνυσμαι tender, extender en -ω
- ὁ Τάρταρος, -ου (pl. τὰ Τάρταρα) el Tártaro nombre propio
- ταχύς, -εῖα, -ύ (adv. ταχύ) rápido 3 terminaciones
- τε (enclít.) y; τε... καί: tanto... como conjunción
- τὸ τέκνον, -ου hijo n. · 2.ª decl.
- τελέω, aor. ἐτέλεσ(σ)α cumplir, llevar a cabo contracto en -έω
- τέρην, -εινα, -εν tierno, delicado 3 terminaciones
- τέρπω deleitar, alegrar en -ω
- ἡ τέρψις, -εως deleite, placer f. · 3.ª decl.
- ἡ Τερψιχόρη, -ης Terpsícore (musa) nombre propio
- τετίημαι (perf.) estar afligido deponente
- τὸ τεῦχος, -ους arma; pl.: armas, armadura n. · 3.ª decl.
- τεύχω, perf. pas. τέτυγμαι fabricar, hacer; pas.: estar hecho, ser en -ω
- ἡ τέχνη, -ης arte, artimaña f. · 1.ª decl.
- ἡ Τηθύς, -ύος Tetis (titánide) nombre propio
- τίκτω, aor. ἔτεκον engendrar, dar a luz en -ω
- τιμάω, aor. ἐτίμησα; med. τιμάομαι honrar; med.: proponer una pena contracto en -άω
- ἡ τιμή, -ῆς honor, honra f. · 1.ª decl.
- τίνω; med. τίνομαι, fut. τίσομαι pagar; med.: vengarse de, castigar en -ω
- τίς, τί ¿quién?, ¿qué?; τί: ¿por qué? pronombre
- τις, τι (enclít.) alguien, alguno, algo, un cierto pronombre
- ἡ τίσις, -εως castigo, venganza f. · 3.ª decl.
- τιταίνω tender; esforzarse en -ω
- ὁ Τιτάν, -ᾶνος (jon. Τιτήν) Titán nombre propio
- τοῖος, -α, -ον tal 3 terminaciones
- ὁ τοκεύς, -έως progenitor; pl.: los padres m. · 3.ª decl.
- τότε entonces adverbio
- τοὔνεκα por eso adverbio
- τρεῖς, τρία tres numeral
- τρέπω, aor. ἔτρεψα; med. ἐτραπόμην volver; med.: volverse, dirigirse en -ω
- τρέφω, fut. θρέψω, aor. ἔθρεψα, aor. pas. ἐτράφην criar, alimentar, mantener en -ω
- τυτθός, -ή, -όν pequeño; τυτθόν (adv.): un poco 3 terminaciones
- ὑμέτερος, -α, -ον vuestro 3 terminaciones
- ὑμνέω cantar, celebrar con himnos contracto en -έω
- ὑπέρβιος, -ον de fuerza desmesurada, violento 2 terminaciones
- ὑπερήφανος, -ον soberbio; extraordinario 2 terminaciones
- ὕπερθεν desde arriba, encima adverbio
- Ὑπερίων, -ονος Hiperión nombre propio
- ὑπισχνέομαι, aor. ὑπεσχόμην prometer deponente contracto
- ὁ ὕπνος, -ου sueño m. · 2.ª decl.
- ὑπό (+ gen.) por (agente); (+ dat.) bajo; (+ ac.) bajo, debajo de preposición
- ὑποτίθημι poner debajo; med.: sugerir, aconsejar en -μι
- ὕστερος, -α, -ον; superl. ὕστατος posterior; ὕστατος: el último 3 terminaciones
- τὸ φάος, -ους luz n. · 3.ª decl.
- φάσκω afirmar, pretender en -ω
- φέρτερος, -α, -ον más fuerte, mejor 3 terminaciones
- φέρω, fut. οἴσω, aor. ἤνεγκον llevar, traer; conducir en -ω
- φημί, impf. ἔφην decir, afirmar en -μι
- φθέγγομαι, aor. ἐφθεγξάμην emitir un sonido, sonar deponente
- φθίω (φθίνω) consumirse, perecer en -ω
- φιλέω, aor. ἐφίλησα querer; besar contracto en -έω
- φιλομμηδής, -ές amante de los genitales (juego con φιλομμειδής, «amante de la risa») 2 terminaciones
- φίλος, -η, -ον / ὁ φίλος, -ου querido; amigo 3 terminaciones
- ἡ φιλότης, -ητος amor, amistad; unión amorosa f. · 3.ª decl.
- ἡ Φοίβη, -ης Febe (titánide) nombre propio
- Φοῖβος, -ου Febo (Apolo) nombre propio
- φράζω, aor. ἔφρασα decir, indicar en -ω
- ἡ φρήν, φρενός mente, corazón; pl.: entrañas f. · 3.ª decl.
- τὸ φῦλον, -ου raza, linaje n. · 2.ª decl.
- φύω, perf. πέφυκα hacer nacer; perf.: ser por naturaleza; plusc.: habían brotado en -ω
- ἡ φωνή, -ῆς voz, sonido f. · 1.ª decl.
- χαίρω, aor. ἐχάρην alegrarse en -ω
- τὸ Χάος, -εος el Caos nombre propio
- χαρίεις, -εσσα, -εν gracioso, agradable 3 terminaciones
- ἡ χάρις, -ιτος gracia, favor f. · 3.ª decl.
- ἡ χείρ, χειρός mano f. · 3.ª decl.
- χέω, aor. ἔχευα derramar, verter; pas.: extenderse en -ω
- ἡ χθών, χθονός tierra, suelo f. · 3.ª decl.
- ὁ χορός, -οῦ danza, coro m. · 2.ª decl.
- ὁ χρόνος, -ου tiempo m. · 2.ª decl.
- χρύσεος, -η, -ον de oro, dorado 3 terminaciones
- χρυσοστέφανος, -ον de corona de oro 2 terminaciones
- ὁ χρώς, χρωτός (ép. ac. χρόα) piel, cuerpo m. · 3.ª decl.
- τὸ ψεῦδος, -ους mentira n. · 3.ª decl.
- ὁ Ὠκεανός, -οῦ Océano nombre propio
- ὁ ὦμος, -ου hombro m. · 2.ª decl.
- ἡ ὥρα, -ας hora, momento; ὥρα (ἐστί): es hora de f. · 1.ª decl.
- ὡς como; que; cuando; (+ part.) en la idea de que; (+ opt.) para que conjunción y adverbio